الثلاثاء، 11 يوليو 2017

ماذا نعنى بتبويب التكاليف ؟للاستاذ المبدع احمد عبدالعزيز ، كل هذا و أكثر قدمناه أيضاً على صفحة « المحاسبه بكل بساطه » على الفيس بوك لمن أراد المزيد من الساده الزملاء

ماذا نعنى بتبويب التكاليف ؟ ----------------------------------- لو عندك طلبه فى جامعه و حضرتك عاوز تحصل على مجموعه من البيانات عن هؤلاء الطلبه .. فماذا ستفعل ؟ أنا عن نفسى عندى عدة إقتراحات ممكن أعملها علشان أوصل للبيانات و المعلومات إللى أنا عاوزها


على سبيل المثال : 1- ممكن أقسم الطلبه لمراحل .. يعنى أجيب عدد الطلبه فى المرحله الأولى + عدد الطلبه فى المرحله الثانيه + عدد الطلبه فى المرحله الثالثه + عدد الطلبه فى المرحله الرابعه بالجامعه و هكذا 2- ممكن كمان أقسم الطلبه لذكور و إناث على مستوى الجامعه ككل 3- ممكن كمان أقسم الطلبه لذكور و إناث بس على مستوى كل مرحله أو صف على حده 4- ممكن كمان أقسم الطلبه الملتحقين بالجامعه تبعاً للمحافظه القادمين منها 5- ...................... إلخ هذه هى فكرة تبويب أو تصنيف أو تقسيم التكاليف إللى هى فى الأصل تصنيف تكوين المنتج إللى بتقوم الشركه أو المصنع بتصنيعه أو إنتاجه .. علشان كده بتلاقى فى تبويب من التبويبات دى بيتقسم على أساس التبويب الوظيفى إللى بتتكون من وظيفة الإنتاج و دى بتكون خاصه بتكلفة التصنيع ( داخل المصنع نفسه ) سواء مواد خام أو أجور أو مصاريف أخرى بخلاف المواد و الأجور التبويب التانى بيقسم التكاليف لمباشره و غير مباشره التبويب الثالث بيقسم إلى حجم النشاط و يقصد به هل حجم الإنتاج ثابت أم متغير ----------------------------- و الآن قد يتسائل البعض أى من التبويبات السابقه نتبع .. نقول .. لك كما أن لك كل الحريه فى إتباع أو حتى إبتداع ( تأليف ) طريقة خاصه بك عند توزيع الطلبه كما فعلنا فى المثال أعلاه فإنك كمحاسب تكاليف لك أيضاً كل الحريه فى إتباع طريقة معينه تحصل منها على بيانات التكاليف التى على أساسها سوف تعد تقرير التكاليف الخاص بك و الذى سيكون هدفه النهائى هو الوصول لتكلفة المنتج الذى تنتجه وليكن 100 جنيهاً .. لماذا ؟ الإجابه : حتى تتمكن من تحديد هامش ربح معين و ليكن 25% و من ثم تحديد السعر الذى ستبيع به و هو 100 + 25 = 125 جنيهاً و كل هذا .. لو لم تعرف تكلفة منتجك لما عرفت سعر بيعك و من ثم إحتمال الخساره و من هنا لابد من التكاليف و بشكل علمى يعتمد على تبويب التكاليف ----------------------------------------------- تحياتى لأخى المحترم .. أحمد دحان ... مجهود راااااائع تشكر عليه
كل هذا و أكثر قدمناه أيضاً على صفحة « المحاسبه بكل بساطه » على الفيس بوك لمن أراد المزيد من الساده الزملاء


ليست هناك تعليقات:

إرسال تعليق